மக்கள் அன்புடன் வரவேற்பு; வெற்றி உறுதி

தட்டாஞ்சாவடி தொகுதிக்கு உட்பட்ட உடையார் நகர் மற்றும் வன்னியர் தெரு பகுதிகளில் என்.ஆர். காங்கிரஸ் வேட்பாளர் அசோக் ஆனந்த் தீவிர பிரசாரத்தில் ஈடுபட்டார்.

அப்பகுதிகளில் வீடு வீடாகச் சென்ற அவர், பொதுமக்களை நேரில் சந்தித்து அவர்களின் குறைகள், தேவைகள் மற்றும் தொகுதி மேம்பாடு தொடர்பான கோரிக்கைகளை கேட்டறிந்தார். தொடர்ந்து, தொகுதி வளர்ச்சிக்காக மேற்கொள்ளப்பட உள்ள திட்டங்கள் மற்றும் தேர்தல் வாக்குறுதிகள் குறித்து மக்களிடம் எடுத்துரைத்தார்.

பிரசாரத்தின்போது பொதுமக்கள் அசோக் ஆனந்தை அன்புடன் வரவேற்று தங்களது ஆதரவை தெரிவித்தனர். இதுகுறித்து பேசிய அவர், மக்களை நேரில் சந்தித்து பேசுவது மகிழ்ச்சி அளிப்பதாகவும், மக்கள் அன்புடன் வரவேற்று வெற்றி பெறச் செய்வோம் என உறுதி தெரிவித்திருப்பது தமக்கு நம்பிக்கையை அளிப்பதாகவும் கூறினார்.

மேலும், தேர்தலில் ஜக்கு சின்னத்திற்கு வாக்களித்து ஆதரவு அளிக்குமாறு பொதுமக்களிடம் கேட்டுக்கொண்டார். பிரசாரத்தில் கட்சி நிர்வாகிகள், தொண்டர்கள் மற்றும் ஆதரவாளர்கள் கலந்து கொண்டனர்.