வெற்றிப்பயணம் திட்டத்தை தொடங்கி வைத்தார் விஜய்

சென்னை கோயம்பேட்டில் நடைபெற்ற நிகழ்ச்சியில் மகாத்மா காந்தியின் உருவப்படத்திற்கு மலர் தூவி மரியாதை செலுத்திய முதல்வர் விஜய், மகளிருக்கான கட்டணமில்லா ‘வெற்றிப்பயணம்’ திட்டத்தின் விரிவாக்கத்தை தொடங்கி வைத்தார்.

இதனைத் தொடர்ந்து சென்னை முதல் காஞ்சிபுரம் செல்லும் அரசு பேருந்தில் பயணம் செய்த அவர், பெண் பயணிகளுக்கு கட்டணமில்லா பயணச்சீட்டுகளை வழங்கி வாழ்த்து தெரிவித்தார்.

புதிய விரிவாக்கத்தின் கீழ் மாநகர மற்றும் நகரப் பகுதிகளில் இயக்கப்படும் எக்ஸ்பிரஸ், LSS, டீலக்ஸ் பேருந்துகள், புறநகர் சாதாரண பேருந்துகள் மற்றும் 40 கி.மீ.க்கு மேல் இயக்கப்படும் மலைப்பகுதி சாதாரண பேருந்துகளும் கொண்டுவரப்படுகின்றன. மொத்தம் 12,692 அரசு பேருந்துகளில் இத்திட்டம் செயல்படுத்தப்பட உள்ளது.

அரசு தரவுகளின்படி, தினமும் சுமார் 84.32 லட்சம் மகளிர் இந்தத் திட்டத்தின் மூலம் பயனடைவார்கள் என தெரிவிக்கப்பட்டுள்ளது. மேலும், மாநிலம் முழுவதும் மகளிருக்கு பொதுப் போக்குவரத்து வசதியை எளிதாக அணுகும் வாய்ப்பு அதிகரிக்கும் என கூறப்பட்டுள்ளது.