லண்டனை விட இந்திய பொருளாதாரம் பெரியது

மதுரையில் நடைபெற்ற நிகழ்ச்சியில் பேசிய அண்ணாமலை, முதல்வர் விஜய் லண்டன் சென்றது குறித்து தனது கருத்தை தெரிவித்தார். வெளிநாடுகளுக்கு சென்று முதலீடுகளை ஈர்ப்பதை விட, இந்தியாவில் உள்ள தொழிலதிபர்களை சந்தித்து முதலீடுகளை அதிகரிக்க நடவடிக்கை எடுக்க வேண்டும் என்றார்.

லண்டனில் இருந்து பெரிய அளவில் முதலீடு கிடைக்கும் என்ற எதிர்பார்ப்பு தேவையில்லை என்றும், இந்திய நிறுவனங்களே வெளிநாடுகளில் அதிகளவில் முதலீடு செய்து வருவதாகவும் அவர் குறிப்பிட்டார்.

சென்னையில் இருந்து லண்டன் செல்வதற்கு பதிலாக கோவை, மதுரை உள்ளிட்ட நகரங்களுக்கு சென்று அங்குள்ள தொழிலதிபர்களை சந்திக்க வேண்டும் என அண்ணாமலை கூறினார். உற்பத்தியை அதிகரிக்கும் தொழில்களுக்கு வரிச்சலுகை உள்ளிட்ட ஊக்கங்களை அரசு வழங்க வேண்டும் என்றும் தெரிவித்தார்.

மேலும், உள்ளூர் தொழிலதிபர்களுக்கு தேவையான ஊக்கத்தை வழங்கினால் அரசை பாராட்டுவேன் என்றும், லண்டனை விட இந்திய பொருளாதாரம் பெரியது என்றும் அண்ணாமலை கூறினார்.

தொடர்ந்து தனது அரசியல் நடவடிக்கைகள் குறித்தும் பேசிய அவர், தங்களது அமைப்பு விரைவில் அரசியல் இயக்கமாக மாறும் என்றும், 234 தொகுதிகளிலும் அமைப்பை விரிவுபடுத்தும் பணிகள் வேகமாக நடைபெற்று வருவதாகவும் தெரிவித்தார்.