மூன்று தொகுதிகளில் நாம் தமிழர் வேட்பாளர்கள் அறிவிப்பு

தமிழ்நாடு மற்றும் புதுச்சேரியில் நடைபெற உள்ள சட்டமன்ற இடைத்தேர்தலில் நாம் தமிழர் கட்சியும் களமிறங்குகிறது. மதுராந்தகம், தாராபுரம் மற்றும் புதுச்சேரி தட்டாஞ்சாவடி தொகுதிகளுக்கான இடைத்தேர்தல் அக்டோபர் 6-ஆம் தேதி நடைபெற உள்ளது. வாக்கு எண்ணிக்கை அக்டோபர் 9-ஆம் தேதி நடைபெறும் என தேர்தல் ஆணையம் அறிவித்துள்ளது.

இந்தத் தேர்தலுக்கான பணிகள் தீவிரமடைந்துள்ள நிலையில், திமுக, அதிமுக மற்றும் தமிழக வெற்றிக் கழகம் உள்ளிட்ட கட்சிகள் தங்களது வேட்பாளர்களை ஏற்கனவே அறிவித்துள்ளன. நாம் தமிழர் கட்சி மற்றும் கம்யூனிஸ்ட் கட்சிகளும் தேர்தலில் போட்டியிடுவதை உறுதி செய்துள்ளன.

இந்நிலையில், நாம் தமிழர் கட்சி சார்பில் மூன்று தொகுதிகளில் போட்டியிடும் வேட்பாளர்களின் பெயர்கள் அறிவிக்கப்பட்டுள்ளன.

அதன்படி, மதுராந்தகம் தொகுதியில் கோ.ஜானகிராமன் B.E., M.B.A., தாராபுரம் தொகுதியில் மு.கார்த்திகா B.E., புதுச்சேரி தட்டாஞ்சாவடி தொகுதியில் ச.கார்த்திக் குமாரி ஆகியோர் வேட்பாளர்களாக அறிவிக்கப்பட்டுள்ளனர்.

மதுராந்தகம் தொகுதி வேட்பாளர் கோ.ஜானகிராமன் பொறியியல் மற்றும் வணிக மேலாண்மை படிப்பை முடித்துள்ளார். தாராபுரம் வேட்பாளர் மு.கார்த்திகா பொறியியல் பட்டதாரி ஆவார். தட்டாஞ்சாவடி வேட்பாளர் ச.கார்த்திக் குமாரி அழகுக்கலை வல்லுநராக உள்ளார்.

இதுதொடர்பாக நாம் தமிழர் கட்சி வெளியிட்டுள்ள அறிக்கையில், அக்டோபர் 6-ஆம் தேதி நடைபெற உள்ள மூன்று தொகுதிகளுக்கான இடைத்தேர்தலில் மேற்கண்ட வேட்பாளர்கள் கட்சி சார்பில் போட்டியிடுவார்கள் என தெரிவிக்கப்பட்டுள்ளது.