தாராபுரம் மற்றும் மதுராந்தகம் சட்டப்பேரவை தொகுதிகளுக்கான இடைத்தேர்தல் அறிவிக்கப்பட்டுள்ள நிலையில், கம்யூனிஸ்ட் கட்சிகள் தங்களது நிலைப்பாட்டை அறிவித்துள்ளன.
கடந்த தேர்தலில் அதிமுக சார்பில் வெற்றி பெற்ற தாராபுரம் மற்றும் மதுராந்தகம் தொகுதி எம்எல்ஏ.,க்கள் தங்களது பதவியை ராஜினாமா செய்துவிட்டு தமிழக வெற்றிக் கழகத்தில் இணைந்தனர். இதையடுத்து இரு தொகுதிகளுக்கும் இடைத்தேர்தல் அறிவிக்கப்பட்டுள்ளது.
இந்தத் தேர்தலில் அதிமுக, திமுக மற்றும் தவெக சார்பில் ஏற்கனவே வேட்பாளர்கள் அறிவிக்கப்பட்டுள்ளனர். இந்நிலையில், தாராபுரம் மற்றும் மதுராந்தகம் தொகுதிகளில் கம்யூனிஸ்ட் கட்சிகள் தனித்துப் போட்டியிட முடிவு செய்துள்ளன.
இதன்படி, தாராபுரம் தொகுதியில் இந்திய கம்யூனிஸ்ட் கட்சி வேட்பாளரையும், மதுராந்தகம் தொகுதியில் மார்க்சிஸ்ட் கம்யூனிஸ்ட் கட்சி வேட்பாளரையும் நிறுத்த உள்ளது.
இதற்கான வேட்பாளர்களின் பெயர்கள் வரும் செப்டம்பர் 15-ஆம் தேதி அறிவிக்கப்படும் என இந்திய கம்யூனிஸ்ட் கட்சியின் மாநில செயலாளர் வீரபாண்டியன் தெரிவித்துள்ளார்.
த.வெ.க. அரசுக்கு வெளியில் இருந்து கம்யூனிஸ்ட் கட்சிகள் ஆதரவு அளித்து வரும் நிலையில், இடைத்தேர்தலில் அதே கட்சிகளுக்கு எதிராக தனித்துப் போட்டியிடும் முடிவு அரசியல் வட்டாரத்தில் கவனம் பெற்றுள்ளது.
இடைத்தேர்தலில் தனித்துப் போட்டி: கம்யூனிஸ்ட் கட்சிகள்
கருத்துகள் (0)
முதல் கருத்தை பதிவு செய்யுங்கள்.